Agad-agad bumuwelta si Chris Alexander sa namumuong balita na iniwan
diumano niya ang AirAsia Philippine Patriots, na kasalukuyang kalahok sa Asean
Basketball League.
Nauna nang kinumpirma ito kahapon ng import’s agent sa Pilipinas na si
Sheryl Reyes ang paghantong sa biglaang pag-iwan ni Alexander sa Patriots,
nangunguna sa team standings na may 13 panalo, at apat na talo
Sa Twitter account ni Alexander, sinabi niya na hindi totoo ang kumakalat na tsimis. “I talked with my agent and as well as left half my stuff there to come home to attend some court stuff in which I have papers for. I also sent the [Patriots’] assistant GM a text and message on Facebook that I was going to attend court cases which I was gonna return next week.”
Ikinalungkot din ni Alexander ang banat ni Sheryl Reyes sa Twitter na, “This is unbelievable. See what mess you created @chrisalexande29.” “Now people think I will be covering your ass. Man, you lied about missing your flight,” dagdag ni Reyes.
Sinagot naman ni Alexander ang tweet na iyon ng “I am your client and you knew I was gonna come back next week and you talk about me like this!”
Pinalitan ni Alexander si Nakia Miller, na pang –siyam sa scoring leaders
na may 16.8 average kada laro.
Isang beses pa lamang nakapaglalaro si Alexander na nakagawa ng 16 points
at 12 rebounds para sa Patriots sa kanilang mapait na 78-92 pagkatalo kontra sa
karibal na San Miguel Beermen noong Abril 14 sa Ynares Sports Arena sa Pasig
City.
Humingi din ng tulong si Reyes sa mga basketball authorities na
maipatupad ang ban kay Alexander habang pinagpaplanuhan pa ng Patriots ang
parusang ipapataw sa nasabing import.
Ayon kay Patriots manager Erick Arejola, “we might bring in Nakia Miller once again to team up with Anthony Johnson.”
Si Alexander ay naglaro bilang import sa PBA sa elimination round para sa
Barangay Ginebra Kings na agad ding pinalitan ni Jackson Vroman pagkatapos ng
tatlong laro bago nahugot ng Patriots sa ABL.
Sa ngayon, nasa kamay na ng FIBA ang desisyon dahil hawak nila ang ABL at
sila ay may kapangyarihang hindi payagan ang paglalaro ng mga players na nasa
blacklist. Bukod tanging si Lee Benson lamang na naglaro din bilang import sa
PBA, ang nakamarka sa FIBA blacklist. (John Alfrick C. Cruz)
No comments:
Post a Comment